Sunday, September 19, 2010

Ang larawan ng bandila sa basurahan!



Ang larawan ng bandila sa basurahan!

Ano po ba ang ginagawa ng ating bandila sa basurahan? Base sa aking pananaliksik, ito pong larawan ay kuha sa isang tapunan ng basura sa isang lugar sa Baguio, at sa paliwanag ng kumuha ng larawan na ngayon ay ayaw ng magpakilala ay nakuha daw ng mga scavenger o namumulot ng basura ang bandilang nasa larawan, at nilabhan, tinahi ang sira, at itinulos sa isang kawayan bilang pagkilala at pag-galang.....

Biruin ninyo, mga pulubi ang mga marunong gumalang sa ating bandila, sino kaya ang nagtapon? Sa pag-gawa natin ng grupo sa facebook at itong larawan na ito ang aking ipinoste ng sa gayun at malaman ng ating mga kababayan na kahit na ang mga pulubi na hindi man lang nakapag-aral ay murunong ding gumalang at dumakila sa isang sagisag ng ating bansa!

Nakakalungkot ano po, siguro ang nagpatapon nito ay isang prinsipal ng eskuwelahan, isang direktor sa sangay ng gobyerno, o isang mayor ng siyudad, dahil hindi ito basta-basta itatapon ng walang pahintulot ng mga nakakataas dahil baka sila makasuhan.....

Sa paglalagay natin ng larawan nito sa facebook ay napaka-imposibling hindi nakita ng isang mambabatas na nagkaroon ng ideya na gumawa ng batas para dito, ang pag-galang sa bandila ng Pilipinas at pagbabawal ng pag-iba ng tono ng ating wikang pambansa.....bakit po kaya nila ito naisip.....di kaya dahil sa larawan?

Sino po ang lumalabas na tunay na bayani dito o dapat bigyan ng parangal dahil sa pagkakasulong ng batas para sa paggalang sa bandila at pagpapanatili ng himig ng ating "Pambansang Awit", ako po ba, yung kumuha ng larawan o yung mambabatas na nagsulong?

Wala po sa amin, kung hindi narito sa mga pulubing nagkaisip na hindi gawing basahan ang punit na bandila, kundi ito ay labhan, tahiin, at itulos ng sa gayun ay makilala ng ating mga nanunungkulan sa gobyerno na sila ay mga "Pilipino" din na marunong ding magmahal sa ating bansa kahit na ang trabaho nila ay marumi at napakahirap.

Ipinauunawa lang nila sa ating mga kababayan na sila ay mararangal na tao din at hindi gumagawa ng katarantaduhan sa kanilang kapwa.....

Ating ginamit ang larawang ito para sa ating grupong "Pagkilos para Sagipin ang Kalikasan sa Pilipinas" dahil ito ay sumisimbolo ng mahihirap at mararangal na tao na siyang dapat sa panahong ito na hindi na dapat ang mga plastik na tao ang ating gamitin sa tunay na "Pagkilos para Sagipin ang Kalikasan sa Pilipinas", maraming nagboboluntaryo sa pagtulong sa ating kalikasan pero ito ay puro lang kaplastikan at ginagawa lang para makilala o kaya magkapera.....

Totoo po ba o hindi.....Ang mga miyembro ng ating "Guardians Stop Global Warming Foundation, Inc." ay karaniwang mahihirap pero mararangal, ako na mismo bilang kanilang Chairman ang pumipigil sa kanila sa pagbubulontaryo sa pagtulong sa ating kalikasan kung sila ay may mga trabahong ginagawa para naman ikabuhay ng kanilang pamilya.....

Kung kami ay kumilos ay tahimik...hindi namin ibinabandurya sa mundo na lilinisin namin ang ganitong lugar, dahil kami-kami lang ang tunay na kumikilos, na napapasama pa....bakit po ba?

Ganito po iyon...minsan ay nilinis namin ang isang creek o malaking kanal na barado na sa isang lungsod na sinasakop ng "National Capital Region", na sobrang napakabaho na at barado dahil dinudumihan (Tae) na ng mga tao ang sugpungan, o linisan o drainage ng creek na iyon.....

Sa tingin ninyo ba malilinis ito ng mano-mano katulad ng pagkalaykay, paghuhukay at pagsundot ng bara lamang....hindi po di ba...dahil tiyak na lalong babaho ang kanilang lugar...kaya dapat gamitin namin ang aming teknolohiya.....sa awa ng Diyos, sa loob ng apat na araw ay nawala ang amoy na hindi maganda at nawala ang mga basura sa creek na ito......pero alam ba ninyo ang kapalit ng pagboboluntaryo ng aming mga miyembro sa lugar na iyon?

Malas, sa kamalas-malasan na hindi katangap-tangap.....nainis ang mga nanunungkulan sa kanilang Barangay at bakit daw nilinis iyon ng hindi nila alam, sana daw ay nailathala sa diyaryo o nagpatawag ng media para malaman ng munisipyo na sila ay nagtratrabaho din.....

At kaya daw nila hindi iyon malinis ay dahil daw sa mga eskuwater sa tabi nitong creek na hindi makadaan ang traktora....wala naman sila daw trabahador para gawin ang ginawa namin......

Nakakalungkot ano po...wala pala silang pang-upa ng trabahador at inaasahan din ang mga nakatira sa squater....dahil dapat daw iyon ang mga naglilinis ng creek....sabagay may katwiran sila....pero sino ba ang nagpatira doon....wala ba silang kinalaman?

Ang masakit pina-alis ang mga eskuwater doon at humiram ng traktora at nilinis ang nalinis na....at ang masakit pa, napakarami ng pina-alis pero isang bahay lang pala ang dapat...dahil doon nila nilagay ang traktora.....nagalit pa tuloy sa amin ang mga eskuwater.......pero ito ay noong bago pa lang ang aming Foundation kaya siguro pinabalik na ulit ang mga eskuwater, kailangan nila ang boto hindi po ba, rehistrado yung mga eskwater sa Barangay nila....lalo na ngayong malapit na naman ang "Barangay Election".....ngayon tao po ba ang mga nanunungkulan sa Barangay o Plastik?????

Sa ngayon ay nagpaparami kami ng miyembro, ang kailangan namin ay mahihirap na walang sapat na pagkakakitaan ngunit mararangal na tao dahil bibigyan na natin sila ng tunay na trabaho para gumamit ng aming mga teknolohiya, at gayundin ang mga taong may mabubuting kalooban na gusto talagang tumulong sa ating kalikasan, na hindi para makilala lang.....ng hindi kaplastikan lamang......marami pa tayo nito sa bansa natin...

Kailangan na sila ng ating kalikasan......ang mga mahihirap na mararangal at mararangal na tunay na tutulong.....sa ating kalikasan!!!!!!!!!

Salamat po sa mga nagbasa, sana po ay tulungan kaming ikalat itong blog, GOD Bless po sa lahat!

Jaime Leandro F. Reyes

Ang susunod na blog: Pagmimiyembro sa internet sa ating Foundation!